Արա Գեւորգյանը ծնվել է 1960թ. ապրիլի 19-ին ք. Երեւանում:
Սովորել է թիվ 31 միջնակարգ դպրոցում եւ միեւնույն ժամանակ` Ա. Տիգրանյանի անվան երաժշտական դպրոցում:
1978 - 1980
Սովորել է ք. Երեւանի թիվ 8 գեղարվեստի ուսումնարանում:
1983 - 1987
Սովորել է Խ. Աբովյանի անվան Հայկական Պետական Մանկավարժական Ինստիտուտի կուլտուրայի ֆակուլտետի փողային գործիքների եւ էստրադային բաժնում:
1987 - 1989
Նույն ինստիտուտում դասավանդել է Դիրիժորություն առարկան եւ հանդիսացել ինստիտուտի երաժշտական խմբի ղեկավար:
1992 - 1999
Աշխատել է ՀՀ Հեռուստատեսությունում որպես ՙ3-րդ Ալիք՚ ծրագրի երաժշտական ղեկավար:
1983-ից սկցած նվագել է ՙՌալլի՚ նվագախմբում, մասնակցել է մի շարք փառատոնների, ունեցել է բազմաթիվ համերգներ Ֆրանսիայում, Սիրիայում, Լիբանանում, ԱՄՆ-ում, Կանադայում եւ այլ երկրերում:
ՙՌալլի՚ նվագախմբի հետ մասնակցել է ՙԵրգ -85՚ Միջազգային փառատոնին:
Թողարկել է 'Անի' ձայներիզը, որը ԱՄՆ-ի Համահայկական
երաշտական փառատոնի մրցանակակիր էր:'Անի' եւ 'Նոստալջի' ժողովածուներն իրենց տեղն են գտել
Նյու-Յորքի ՙՄյուզիք Ռամա՚ կատալոգում:
Լրացավ Հայոց մեծ եղեռնի զոհերի հիշատակի 90 ամյակը: Այդ առիթով գրված ՙԱդանա՚ երգը, որը թարգմանվել եւ ձայնագրվել է 20 լեզուներով, հնչեց Ծիծեռնակաբերդում տարբեր երկրներից ժամանած հայտնի երգիչների կատարմամբ.
Դանիել Դեքեր
/ ԱՄՆ /
Կայ Աուհագեն
/ Գերմանիա /
Ինկա
/ Ֆինլանդիա /
Ցվետան Ցվետկով
/ Բուլղարիա /
Վիտալի Դանի
/ Մոլդովա /
Գեղամ Գրիգորյան եւ Երեւանի Կենտրոն համայնքի ՙԿիլիկիա՚ երգչախումբ, գեղ. ղեկ. Մարիկա Եդիգարյան
/ Հայաստան /
ՙԱդանա՚ ակցիան շարունակվեց մայիսի 1-ին Նյու Յորքում, 14-ին Բոստոնում եւ 29-ին Լոս Անջելեսում կայացված Արա Գեւորգյանի հեղինակային համերգներում, որոնք նվիրված էին Հայոց ցեղասպանության 90 ամյակին:
Համերգներով հանդես է եկել Նյու Յորքում, Բոստոնում եւ Լոս Անջելեսում (ԱՄՆ):
2005թ – ից մինչ օրս Արա Գևորգյանը ՀՊՄՀ Կուլտուրայի ֆակուլտետի երաժշտության ամբիոնի վարիչն է:
2006
Հայաստանում գործիքային երաժշտության զարգացման գործում ունեցած ներդրումների համար արժանացել է մրցանակի, որը հանձնվեց Մոսկվայի Կրեմլի համերգային դահլիճում:
Մոսկվայի Կրեմլի համերգային դահլիճում մասնակցել է Ռ.Դ.-ում Հայաստանի մշակութային տարվա բացմանը նվիրված համերգին, ուր ներկա էին պրեզիդենտներ Ռ. Քոչարյանը եւ Վ. Պուտինը, ինչպես նաեւ հանրահայտ երգիչ Շառլ Ազնավուրը:
Հասարակական - քաղաքական, մարդասիրական սկզբունքների հաստատման եւ Հայոց ցեղասպանության դատապարտման ուղղությամբ ծավալած գործունեության համար պարգեւատրվել է ՙՖրիտյոֆ Նանսենի՚ ոսկե հուշամեդալով:
Համերգ նվիրված AGBU 100 ամյակին: Հայկական ընդհանուր բարեգործական միություն:
2013
ԲԱՍ ՔԱՆՈՆ աշխարհում առաջին անգամ ստեղծվել է Հայաստանում 2013 թ-ին:
Գաղափարի հեղինակն է կոմպոզիտոր, Արա Գևորգյանը: Պատրաստող հեղինակն է,
լարային գործիքներ պատրաստող վարպետ, Ալբերտ Զաքարյանը: Պահպանված են հեղինակային իրավունքները:
2015
Արա Գևորգյանը գրեց նոր ստեղծագործություն Հայոց ցեղասպանության 100-րդ տարելիցին ընդառաջ: Երգը հնչեց 2 լեզվով, հայերեն տեքստի հեղինակն է Լևոն Բլբուլյանը և երգը կոչվում է <<Կանք ու Կլինենք>>, դիրիժոր Էդուարդ Թոփչյան, և անգլերեն տեքստի հեղինակն է ամերիկացի երգիչ Դանիել Դեքերը: Երգը կոչվում է "REMEMBER" դիրիժոր Հովհաննես Չեքիջյան : Կատարում են ՀՀ Ազգային ակադեմիական երգչախումբը, ՀՀ Ազգային ֆիլհարմոնիկ նվագախումբը և երգչախմբեր աշխարհի տարբեր երկրներից:
1999 - 2012թթ.-ին մասնակցել է գրեթե բոլոր ՙՄեկ ազգ մեկ Մշակույթ՚, ՙՀամահայկական խաղեր՚ եւ ՙԵրեբունի Երեւան՚ տոնակատարություններին:
Արա Գեւորգյանը մասնակցել է բարեգործական համերգին, նվիրված Համահայկական Հիմնադրամի 10-րդ տարելիցին, որը տեղի ունեցավ Լաս Վեգասի ՙԷմ-Ջի-Էմ Գրանդ Արենա՚ շքեղ սրահում:
Արա Գեւորգյանը համագործակցում է հայ եւ այլազգի երաժիշտների եւ երգիչների հետ, ինչպիսիք են` Ջիվան Գասպարյանը, Հասմիկ Լեյլոյանը, Արմեն Անասյանը, Ֆլորա Մարտիրոսյանը, Էլվինա Մակարյանը, Սյուզան Մարգարյանը, Յան Գիլանը, Դեմիս Ռուսոսը, Պեդրո Յուստաշը, Ուոլթեր Ռոդրիգեսը, Դանիել Դեքերը, Ալեքս Ակունյա, Իդեն ֆայմեր, Ռոնի Բառաք, Ինկա, Ցվետան Ցվետկով եւ այլն:
Արա Գեւորգյանի երաժշտությունը հնչում է տարբեր ֆիլմերում (ՙՔրմուհի՚, ՙԽնկարկում՚, ՙՅար խուշտա՚ եւ այլն...), ներկայացումներում (ՙԲարի գալուստ՚, ՙԿռունկներ ետ դարձեք՚ եւ այլն... ), աշխարհի տարբեր սպորտային միջոցառումներում (ձեւավոր չմշկասահք, գեղարվեստական մարմնամարզություն եւ այլն... ):
Արա Գեւորգյանը ժողովրդական եւ գուսանական երգի փայլուն կատարող, սիրված երգչուհիՎալյա Սամվելյանի որդին է: Նա Վալյա Սամվելյանի ՙԹողեցիր ինձ մենակ՚, ՙԱնուշիկ իմ քույրիկ՚ ձայներիզների, ՙՎալյա Սամվելյան՚ DVD-ի, ինչպես նաեւ հրատարակված ՙՄեր սիրելի, քնքուշ ու մեղմ Վալյա Սամվելյանը՚ գրքի պրոդյուսերն է:
Հոբբին` ունի խաղալիքների մեծ հավաքածու:
Համերգների ժամանակ Արային նվիրում են շատ խաղալիքներ, որոնք նա նվիրաբերում է մանկապարտեզներին, որբանոցներին եւ այդ երեւույթը դարձել է գեղեցիկ ավանդույթ:
Երեւանի թիվ 97,175,140 եւ 202 գիշերօթիկ մանկապարտեզներն արդեն ունեն մեծ քանակության նվեր-խաղալիքներ:
2003 եւ 2007թթ. Արա Գեւորգյանը խաղալիքների մեծ քանակություն նվիրեց հաշմանդամ երեխաների ՙՓրկություն՚ վերականգնողական կենտրոնին, ինչպես նաեւ ՙՕրրան՚ բարեգործական հասարակական կազմակերպությանը:
2003թ-ի հունիսի 7, 8-ին ՙԱդվենտուր՚ ակումբի նախաձեռնությամբ Հայաստանում առաջին անգամ կազմակերպվեց ՙՄետաքսի ճանապարհ՚ միջազգային ռալլի ավտո-մրցարշավը, որտեղ ընդգրկված էին թե պրոֆեսիոնալ, եւ թե սիրողական կատեգորիաների մասնակիցներ աշխարհի տարբեր երկրներից:
Արա Գեւորգյանը եւ Սարգիս Թաշչյանը (շտուրման) ՙսիրողական՚ կարգում գրավեցին պատվավոր առաջին տեղը:
Հունիսի 9-ին կայացավ մրցանակաբաշխությունը եւ նրանց հանձնվեց առաջին տեղի դիպլոմը եւ մրցանակը:
Շնորհակալություն ՙՇանթ՚ ընկերությանը հովանավորության համար:
Արա Գեւորգյանը ամուսնացած է, ունի դուստր եւ զավակ:
Հոբբին` ունի խաղալիքների մեծ հավաքածու: 
